المحترف المتميز المحترف المتميز

آخر الأخبار

جاري التحميل ...

تذكر أخى قبل ترك تعليق { مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }

  1. أزال أحد مشرفي المدونة هذا التعليق.

    ردحذف
  2. أزال أحد مشرفي المدونة هذا التعليق.

    ردحذف
  3. أزال أحد مشرفي المدونة هذا التعليق.

    ردحذف
  4. أزال أحد مشرفي المدونة هذا التعليق.

    ردحذف
  5. أزال أحد مشرفي المدونة هذا التعليق.

    ردحذف
  6. أزال أحد مشرفي المدونة هذا التعليق.

    ردحذف
  7. أزال أحد مشرفي المدونة هذا التعليق.

    ردحذف

نصائح الخبراء للطلاب المقبلين على الثانوية العامة والازهرية

هذه التدوينة لم أكتبها بنفسي ولكن نقلتها عن شخص لديه الخبرة وأتمنى من الله لى ولكم النجاح والتفوق وتحقيق أفضل الدرجات

  إقرا الرسالة   





السلام عليكم و رحمة الله و بركاته رسالتي لكل المقبلين للثانوية العامة 

والأزهرية سأحكي لكم قصتي فى هذه السنة الحمد لله خلصت 3 ثانوي و ربنا 

كرمني فوق ما أتخيل ، و جبت 99.39% علمي علوم ، الحمد لله .. رسالتي 

بقى : ف 3 ثانوي في 3 حاجات لازم تهتموا بيهم ،

  الجانب النفسي  ،  المذاكره  ،   علاقتك مع الله  


بالنسبة للجانب النفسي :


3 ثانوي مش فارقة كتير عن باقي السنين غير أنها : -

سنة اطول شوية و عايزة نفس طويل حبتين ، في ناس بيبقوا داخلين جد اوي يقفلوا الفيس و يرموا

الموبايل و يعيشوا في معسكر ، لو عملتوا كده هتنفجروا و مش هتكملوا ، خليكم طبيعيين ، ذاكروا

فترة معينة و خدوا راحة في نص اليوم مثلا .. بس متبقاش اكتر من المذاكرة اكيد - تاني حاجة :

الضغط و التوتر اللي هتكونوا فيه بسبب المدرسين و الأهل و العيلة وعيلة العيلة مع احترامي 

لكل دول ، لو اهلكم من النوع اللي بيضغط اكتر او عايزين يشوفوكم كذا (أي مهنة) 

متفكروش ف كلامهم كتير عشان هيزود التوتر والرعب ، ذاكروا و اعملوا كل اللي تقدروا عليه و 

متفكروش انكم عايزين تدخلوا الكلية الفلانية ، ده بيزود الضغط عليكم اكتر ، متقارنش نفسك بحد

المذاكرة : - 

من اكبر الغلطات اللي صحابي وقعوا فيها السنة دي انهم خدوا عند اكتر من مدرس في نفس المادة ! 

حاولوا بقدر الامكان تاخدوا ف كل مادة مدرس واحد عشان تلاقوا وقت تذاكروا .. زي ما الشرح 

مهم  المذاكرة كمان اهم - موضوع هذاكر مع اصحابي ده موضوع غير واقعي بالمرة 

شباب أو بنات - هتقعدوا بالساعة والساعتين في سطر و باقي الوقت اكل و رغي و اسأل مجرب - حاولوا 

بقدر الامكان تنظموا وقتكم ، لو مش بتروحوا مدرسة ممكن تخلوا ايام فيها درسين ، المهم يبقي 

عندك يومين اجازة ف الاسبوع تذاكروا و تلموا الي وراكم . - امتحانات المدرسين بتاعت الشهر

و الامتحانات الكبيرة بتبقى مهمة جدا و هى دي اللي بتعرفكم مستواكم الحقيقي . -

حاولوا متغيبوش كتير عن حصص المدرسين و بالذات الحصص الاساسية ، الغياب يبقى 

لضرورة قصوى ، الا لو متأكدين ان الحصة مالهاش لازمة - حلو اسئلة كتاب الوزارة 

صحيح فيها أسئلة عقيمة ، بس ساعات بيجيبوا شبهها - أول بأول . -

المواد اللي كلها ارقام - زي الفيزياء و الرياضة .. الخ - اهم حاجه فيها الحل ، حلوة كتير اوي

ع قد ما تقدروا ، و بلاش تعقدوا نفسكم ، ابدأوا بتدريبات ليها حلول ، جربوا تحلوا و بعد كدا شوفوا 

الحلول و افهموها - نصوص العربي الحفظ تتحفظ اول بأول عشان لما بتتكوم بيبقى صعب حفظها 

صعب مش مستحيل بس بتختلف من قدرات طالب للتاني  ركزوا على امتحانات ثانوية عامة السنين

اللي فاتت ، بيجيبوا شبهها دايما  و متركزوش على أسئلة الجرايد . 

علاقتك مع الله :-

نصيحة للبنات : لو بتتابعي مسلسلات كتير 

- تركي ، كوري ، مكسيكي ، هندي .. الخ - يبقى ع بداية الدروس تحددي هو مسلسل واحد بس تتابعيه ، 

المسلسلات و الحاجات دي بتشغل التفكير من غير ما نحس ، وتقلل التركيز علاقتنا مع ربنا - الصلاة : 

لو مش مواظبين ع الصلاة واظبوا عليها ، الجأو لربنا و متتكسفوش لو عمرك ما صليت صلي 

دلوقتي ، مرة ف مرة هتواظب لوحدك وتحس بالذنب لو مصليتش ، لو اي انسان عمره ما ركعها 

وصلى لمدة اسبوع من غير ما يقطع هتبقى الصلاة بالنسبة له عبادة وعادة مش قادر يبطلها -

صلاة الفجر طبعا مهمة و يا بخته اللي يقدر يقوم الفجر - الدعاء ، ادعوا وماتكسلوش ، ادعوا دايما

بإن ربنا يرزقكم مجموع الكلية اللي تقدروا تمشوا فيها - قراءة القرآن ، مش معنى ان رمضان خلص

اننا نركن المصحف ع جنب ، الحمدلله كنت بقرا كل يوم ساعاتى من ع المصحف وساعات 

من ع الموبايل ان شاء الله 5 آيات بس ، حاولوا تقروا كل يوم بعد اي صلاة مثلا المهم ميعديش 3 ايام

من غير قرآن - وقت النسيان ف الامتحانات او اللخبطة ادعوا ربنا ، مش لازم دعاء معين ، قولوا

اللي يجي ع بالكم . 

* فاكرة كويس ف امتحان الفيزيا كان في سؤال مش عارفة احله قعدت اقول ف سري 

يا رب ساعدني ، انا عارفة اني مستاهلش بس يا رب انت الكريم الرحيم ساعدني ، و الحمد لله 

ربنا الهمني بفكرة و عرفت احلها *  

خلي نيتكم دايما صافية و ساعدوا الناس و بلاش الانانية ، ان مثلا فلان اقوله معلومة غلط

و فانة مقولهاش علي اسم المدرس اللي باخد معاه و هكذا اوعوا تتغروا ع حد لأن مستواكم 

اعلى او لأي سبب تاني ، ومتنسبوش الفضل لنفسكم ، لأن الفضل فضل ربنا دايما .

الامتحانات اهم حاجة فيها الهدوء وبرودة الاعصاب ، حل وكأنه امتحان عادي و ان شاء الله

هتلاقوا احسن النتايج صحيح ان لكل مجتهد نصيب بس لما تكون علاقتك بربنا كويسة ربنا 

هيبارك لك هتلاقوا ربنا يذكركم و اهم حاجه يرضيكم بنصيبهم أيا كان آسف ع الإطالة ، و ربنا

يوفقكم جميعا . 

ملحوظة : انا كتبت اول رغبة صيدلة مع ان عمري ما دعيت اني ادخل صيدلة دايما كنت ادعي يارب

ارزقني بكلية اعرف امشي فيها دعواتكم معايا ان ربنا يرزقني الكلية اللي اعرف انجح فيها ربنا و 

يكرمكم ويفرح قلوبكم يا رب

عن الكاتب

mohamed magdy موقع المحترف المتميز هو موقع يهتم بمجال التقنية والابداع من برامج ودورات تعليمية صوت وصورة وشروحات للاندرويد والكثير من الأقسام يمكنك معرفتها بزيارتنا قم بالبحث في جوجل عن المحترف المتميز أو mmagdym1

التعليقات


جميع الحقوق محفوطة لدي موقع

المحترف المتميز

| صلي على الحبيب محمد